أيش معنى الدنمارك يعنى؟

أنا مش مع اللى حصل فى الدنمارك ولا شايفة الموضوع حرية تعبير عن رأى بس عندى أسئلة,,,هو كل الى بيحصل ففلسطين و العراق و مصر مابيهنشى الأديان و الرسل؟ ليه بقى المسلمين الغاضبين حول العالم دول مابيقطعوش أمريكا و أسرائيل بغض النظر عن رأى فى موضوع المقاطعة أصلا,,,ولا عشان سهل علينا أوى نقلطع شوية جبن؟؟؟انا رأى ان اللى عايز يقاطع يقاطع كل ما هو غير مصرى !! ده الى جانب التفكير فيما هو حقا مسىء للأديان و الرسل و كرامة الأنسان ! فلم أجد أحدا من الناس يتحرك عشان موضوع العبارة اللى غرقت غير بدفع فلوس,,, أزاى الشركة دى ماتقفلتش؟ و أزاى أصحابها ماتسجنوش؟؟؟؟ عشان مصر مشغولة بماتشات الكورة؟ ولا أتعودنا على أن الغلابة يموتوا و محدش يعبرهم؟ ويطلع المفتى فى التلفزيون يقول ان الى ماتوا ليهم الجنة بلا حساب عشان ماتوا شهداء!!!الجنة؟!؟!؟!