ليلة سقوط بغداد

أتفرجت من كام يوم على فيلم ليلة سقوط بغداد و كلن عندى مشاكل مع الفيلم م الافكار الى بيتناولها

أولا كان واضح جدا أن المخرج عايز يبعد تماما عن الحكومة المصرية و لوم أمريكا على كل المصايب اللى حاطة على المصريين و العرب , ثانيا انا فعلا مش فهمة الفيام ده المفروض منه يكون فانتزيا و لا كوميديا سوداء ولا واقعى ولا فيلم وطنى مؤثر ولا خلطبيصة من كل ده؟

و رأى ان الفيلم كان ممكن يكون فيام عظيم لو المخرج قرر يستبدل الحتت اللى كانت المفروض تبكى بتهييس زى اللى فى باقى الفيلم , يعنى مثلا مشهد زى بتاع المظاهرة ده كان مستفز و مبتذل و ولا هو فانتزيا ولا واقعى , يعنى من أمتى أى مظاهرة بتقدر توصل للسفارة الامربكية و تبقى بالعدد دة و يبقى واقف يدوبك صفين أمن مركزى مش 8 ملبون , م يا حرام يرشوهم بالمية , المشهد كان مخفف جدا و كان واضح اوى ان المخرج مش عايز يمس الحكومة المصرية بتاتا , كان ممكن المشهد يتعمل تهييس ... يجيب 5 بيتظاهروا ف وسط جحافل أمن مركزى فى ميدان رمسيس عشان مش البوليس قافل الشوارع لحد السفارة!!!

وبعدين بالرغم من أن فكرة ان فى ناس فعلا خاييفبن من قدووم الأمريكان هو أن ف رأى الامريكان مش مجتاجيين يجوا و الفيلم ماتناولش خالص اللى حاصل ف مصر من أمريكا من غير ماتييجى تحتلنا بقوات

و يفضل الحاجة اللى فعلا مش فهماهه وهى فكرة المخرج عن الجنس و الاغتصاب المتقاربة جدا ببعض اللى خلت مشهد أغتصاب بسمة :كارثة لأنه ماكنشى مقرف أو مهين م أتصور بطريقة تقرب لان تكون مثيرة , و الفكرة المقرفة بتلعت الزوجات لما يلبسوا لبس جيش أمريكى فيتحول الجنس ألى فش غل فى الستات و ربطهم الخ

ده بالاضافة الى تقديم أفكار زى أن ال الأمربكان شواذ و الراجل لابس حلق ف ودنه

و الفينال السىء للفبلم اللى كان ممكن ان ينتهى فى مشهد سلالم المستشفى أو لما كانت الدبابات جية من ورا الراجل ...

حسيت أن المخرج عايز المشاهديين يطلعوا حاسسين بالنصر و ذل الامريكان بالافكار الشائعة الخاطئة عن الذل

"انت مكانك قدامى يا جون "