رمضان كريم . . . الله أعلم؟

الكام رمضان اللى فاتوا لاحظت الفرق الفظيع ما بين ازاى كنت باحب رمضان وانا صعيرة واستناه هو بفوازيره وبوجيه و طمطمه و عمو فؤاده و الفوانيس و الزينة و اللمة , و قلت يا ربى الحجات دى كلها راحت فين و الى انا الى كبيرت و بقى دمى تقيل؟ بس برده لاحظت ان الناس اللى حواليا فى الجامعة بردة مباقوش فرحانين برمضان مع انهم بيحاولوا انهم يخبوا ده لأن أزاى يعنى الواحد ميكونشى مبسوط بقدوم شهر العبادة؟ شهر عبادة المحشى و الكنافة م القطايف , البط و الوز , وطبعا شهر عبادة يسرا و الهام شاهين و موزاز الاعلانات!!! اللى حصل ان الجو اللى انا كنت باحبه فى رمضان اتحول لجو من الزحمة والعصبية والكآبة أو يمكن أنا اللى بقيت باخود بالى من الحجات اللى ماكنتش باخود بالى منها زمان . و الناس مابقاش لها نفس تفرح خصوصا دول اللى بيعدوا يحوشوا طول السنة عشان يعرفوا ولائم رمضان. حاجة تانية استفزتنى جدا ..مافيش ولا كافيتريا من بتوع الجامعة فاتحيين , لأ و كمان قافليين ال كولدييرات! و المسحيين بقى يخبطوا راسهم فى الحيطة.