بيانات على تذكرة مسجون
تذكرة مسجون
الاسم : صابر
التهمه : مصري
السن : أصغر اهل عصري
لرغم انسدال الشيب ضفاير من شوشتى لما لتحت خضري
المهنه : وارث عن جدودي والزمان صنع الحضارهوالنضاره والامان
البشره : قمحى
القد : رمحى
الشعر : اخشن م الدريس
لون العيون : اسود غطيس
الانف : نافر كا لحصان
الفم : ثابت فى المكان
واما جيت ازحزحه عن مطرحه كان اللى كان
جهه الميلاد: فى أي اوضه مضلمه تحت السما على ارض مصر
من أي دار وسط النخيل مطرح ما يجري النيل ما دام ما يكونش قصر
الحكم: من سبع تلاف سنه وانا راقد سجين
اطحن على ضراسي الحجر من الضجر وابات حزين
الاسباب : سالنى سائل حبستك طالت وليه
ولانى طيب وابن نكته وابن ايه
ما فيش مخالفه ركبتها ضد القانون لانى خايف والقانون سيفه ف اديه
تسأل عليّ المخبرين فى أي حين تسمع وتفهم قصتي الف وبيه
الاسم صابر ع البلا ايوب حمار
شيل الحمول من قسمتى والانتظار
اغرق فى انهار العرق طول النهار
والم همى فى المسا وارقد عليه
عرفت ليه ؟
معتقل القلعه / 1974
posted by salma at ٩:٥١ ص
1 Comments:
تسلم ايديك على الموضوع
اخبار اليوم-اخبار مصر
إرسال تعليق
<< Home