الجمعة، مارس 16، 2007

يا حضرة الظابط أنا حزب التجمع , مليش دعوة بالمظاهرة

شئ عظيم لما الواحد يحس بكل الدعم ده من قوى المعارضة اللي اتربينا على قصصها
امبارح في ال"مظاهرة" و بعد ما اتقبض على 35 مشارك , قررت الناس الأعتصام الي خروج المعتقلين
كردونات الأمن الرهيبة ماكنتش بتعدي حد , و زهلت لما شفت اعضاء حزب التجمع و الناصري (اللي كان عامل انخباته في مقر التجمع) بتأكد للظباط انهم عايزين يخرجوا و أنهم ببساطة ملهمش دعوة بالمظاهرة
ده حتى في واحد كان هيطلع كارنيه الحزب عشان يأكد للظابط
بالرغم من أني عارفة أن الناس دي فعلاً كانت جاية للأنتخابات و مش للمظاهرة إلا اني حست بالقرف الشديد من الكلام ده ,
موقف عرة من ناس عرر و مش جديد علينا , بس يمكن أنا دايماً مش ببقى عارفة أد ايه الصورة وحشة و قبيحة
و برضه الواحد يعرف هو حجمه أد ايه لما ييجي يخطط لعمل
فأعرفوا يا أخواني و أخواتي الشباب أن حاملي كارنيهات حزب التجمع و الناصري ملهمش دعوة بالمظاهرات
اتفوووه

التسميات: , ,

7 Comments:

Anonymous وائل عباس said...

ألف مرة وبحرقة

5:00 م  
Anonymous بدوى الأول عشر said...

ياجماعة اذا كان سامح عاشور المحترم منزلش يبص حتى على اللى بيحصل !!!

و الناس فوق كانوا قاعدين بيضحكوا ولا كأن اللى تحت دول بيهتفوا لأسرائيل و لما محمد الشرقاوى هتف لحمدين صباحى طلعلوا سيد عبد الغنى يزعق له

بلا نيلة

11:14 م  
Blogger karakib said...

قوي المعارضة في أحزاب ؟؟ يعني أيه الكلمة دي لو سمحت !! مش فاهم

2:13 م  
Blogger Memo said...

و الله انا اتخنقت من المواقف الزباله دي

3:36 م  
Anonymous غير معرف said...

أنا مش عايزكم تزعلوا من حزب التجمع دلوقتى ده موقفة من حوالى خمس ست سنين .
أصلهم مبادئهم أختلفت كان زمان عندهم مبادئ بيناضلوا من اجلها كنت بسمعها في البيت من أبويا وجدى .
لكن لما كبرت وعرفت أصحاب أهلى من قريب لقيت أن الناس زمان كانت بتناضل من أجل الحياة الحرة للجميع ولكن الأن بيناضلوا من أجل مصالحهم الشخصية.
مش عايزكم تتحصروا عليهم بس لازم نسألهم هما أختلفوا ليه ويمكن يكون كبروا ومش قدرين على النضال من أجل مبادئهم إلا كانو بيقولوا عنها زمان

11:51 ص  
Anonymous غير معرف said...

ربنا كبير وغير كده البركه فينا يا شباب

7:04 م  
Anonymous اخبار اليوم said...

تسلم ايديك على الموضوع
اخبار اليوم-اخبار مصر

11:53 م  

إرسال تعليق

Links to this post:

إنشاء رابط

<< Home